تحديث : انقضي يوم البهجة ... وقد سعدت جدا بالمشاركة فيه ... صحيح ان المشاركة من الاصدقاء المدونين ... والاخوات المدونات ... جاءت اقل مما توقعت ... ولكن الحمد لله ... علي ما تحقق ... شكرا جزيلا ... وحارا ... لكل من دعم ... وشارك ... وساهم حتي ولو بالقراءة الصامتة ... فقد سعدنا جميعا .. مع بعض ... ولكني ... " زعلان " ... وحزين ... من بعض الاصدقاء الاعزاء - جدا - ... الذين خذلوني ... ولم اكن اتوقع منهم ذلك ... ولكن ايضا ...اشكرهم ... لانني عشت خيالا جميلا عن مشاركتهم في هذا اليوم ... قبل ان يصدموني ... بعدم مشاركتهملا يوجد ما يسعد اي شخص ... قدر انه يحس انه في " حمي " الله - سبحانه وتعالي - ... طيب كيف نكون في حماه ... وصحبته ؟ ... استطيع ان اجتهد و اقول ... لن يتحقق ذلك ... سوي بان نلتزم بتأدية ما افترضه علينا الله - جل في علاه - من فروض ... علي الوجه الذي طلبه منا ... طيب ... حتي اذا كنت اقع في المعاصي .. والذنوب ؟ ... نعم حتي لو كنت اقع في المعاصي والذنوب .. كيف ؟ ... اقول ... ان مجرد وقوعي في ذنوب ... ومعاصي ... لا يعفيني ... او يعطيني عذرا ... ان اقصر في فروض افترضها الله عليً ... لانني .. طوال ما انا ملتزم ... بتأدية فروضه - جل في علاه - ... فأنا منتظر عفوه ... ومغفرته ... وتوبته عليً .. بالاقلاع عما انا فيه ... اما لو هجرت تلك الفروض ... فقد اعطيت توكيلا علي " بياض " للشيطان ... ليستحوذ عليً ... ويزين لي ما افعله من ذنوب ومعاصي ... نسأل الله العفو والعافية .
بعد تأدية الفروض ... استطيع ان ازعم ... ان اكثر ما يقرب العبد الي ربه ... بره ... واحسانه ... للعباد ... وتبدأ الدائرة ... باقرب الناس الي الشخص - والديه - ... وتظل تتسع ... الي ان تشمل كل البشرية ... اسمع معي النبي المصطفي - عليه افضل الصلاة والسلام - وهو يقول ... " خير الناس ... انفعهم للناس " .... " وان امشي في حاجة اخي ... خير لي من ان اعتكف في مسجدي هذا شهرا " ..... يااااااااااااااه ... كم نحن مقصرون في حق انفسنا ... حين نمنع خير الله الذي اجراه علي ايدينا ... عن عباده ... متعللين ... بالحاجة ... وعدم القدرة ... والانشغال ... وننسي حديث اشرف الخلق ... محمدا " صلي الله عليه وسلم " ... وهو يقول " لا تحقرن من عمل المعروف شيئا ... حتي ان تلقي اخاك بوجه طلق " ... هل لنا حجة ؟ ... هل لدينا من عذر ؟ ... لا اعتقد ... ولكنها ... الدنيا التي حذرنا رسول الله - صلي الله عليه وسلم " في الحديث الشريف ..فيما معناه " ... ولكني اخاف عليكم الدنيا تغريكم كما اغرت الذين من قبلكم ... فتنافسوها ..كما تنافسوها ... فتلهيكم ... كما الهتهم ... " الحديث
***
ذكريات ... واحداث " بايخة " في يوم " للبهجة "
***
عندما التهمت صديقي " الارنب " ....بدون ان ادري !!!!
***
لالالا .. لا تظن انني انا المسئول عن هذا الفعل ... و لاتقوم غاضبا مني ... انتظر لتعرف القصة ... وبعدا احكم عليً ... هل غدرت بالصداقة .. التي بيني وبين الارنب ؟ وهل طعنت الوفاء ... في حين غفلة من الايام ؟
كنت طفلا هادئا عندما كنت صغيرا ... وربما زاد من هذا الهدوء اننا كنا نعيش في احدي البلدان العربية - الغير خليجية - ..عارف هتقولوا ...دا انت واخد علي الغربة بقي ... ولكن ساخيب ظنكم ... واقول انني رجعت من الغربة وانا في سن 4 سنوات ... ونظرا لانه لم يكن هناك اطفال .. اختلط بهم عندما كنت صغيرا ... فكان معظم لعبي داخل المنزل ... وفي سن 3 اعوام تقريبا ... كنت امشي في السوق ... مع عائلتي ... وفجأة قعدت اصرخ ... وابكي ...مطالبا اياهم بان يشتروا لي ارنب صغير ... رايته في السوق - هم حكوا لي ذلك - ... وتقريبا كنت طفلا - غلسا ..كما انا الان - فقعدت ابكي ... واصرخ ... فلم يجدوا بدا من ان يطاوعوني ... ويشتروا لي الارنب .... بصراحة ... انا لا اتذكر ظروف شرائه ... ولكن اتذكره جيدا ... - هناك صورة جميييييييييييلة .. تجمعني به ... ذكروني ان احملها علي المدونة عند رجوعي لمصر ان شاء الله - ... ويبدو ان الارنب كان هادئا هو الاخر ... او الجو كان باردا بشدة ... لاني اتذكر انه كان يستقر بجواري اثناء تناول افطاري ... في اشعة الشمس ... المشكلة ... انه كان يرفض شرب الشاي بالحليب .. الذي كانت تعده والدتي - رحمها الله ... وطيب ثراها - لي صباحا ... وكثيرا ... ما كنت اضع له بعضا منه ... ثم ادفع راسه ... ليشرب منه ... ولكنه كان يرفض في اصرار ... غريب .. مما كان يستعصي علي فهمي - انذاك -
المهم تحول الارنب ... وكنت اسميته " طوكر " ومحدش يسال ليه ؟ ... لاني مش فاكر ... او بصراحة ... فاكر بس مش عاوز اقول ... المهم تحول " طوكر " ... واكله ... وتغذيته ... لواجب يومي مهم ..لي .. ولبقية افراد الاسرة ... فهناك لا يوجد " برسيم " فكنا نطعمه " خسا " ... او " العريش " بتاع الجزر ... او الجزر نفسه ... المهم انه كان " جميلا " للغاية ... بشعره ... الابيض والرمادي ... وعيناه الملونتين ... ولكنه للاسف ... كما كل شئ في الدنيا ... لا يظل علي حاله ... وبعد عدة اسابيع ... كبر " طوكر " ... واصبح وجوده مشكلة.
انضم .. " طوكر " لمتاعب .... امي - رحمها الله - ... فكأن ليس كافيا رعاية طفل في سني - ايامها - ... ولا القيام علي شئون اخوتي ... ووالدي - رحمه الله - ...كلا صارت مطاردة " طوكر " ... ومحاولة وضعه في مكانه ... مهمة شبة يومية ... حيث انني كنت اصر علي اخراجة من المكان الذي يعيش به - شبه حظيرة صغيرة تحت السلم - ليتناول افطاره معي ... فطبعا ... حضرته .... بعد ما كبر ... اصبح لا يرضي ان يتناول افطاره بجوار طفل مثلي ... لذلك كان يهرب ... ساحبا معه افطاره ... من " خس " ... او " جزر " ... في ارجاء البيت .... مما كان يصيب امي بالجنون ... نظرا لانه كان يختفي ساعات طويلة بدون ان نعرف مكانه ... وطبعا تعرفون ما يحدث في هذة الساعات ... - لا داعي للاحراج - .. ثم كان الباشا ... يذهب الي مكانه ... كما لو انه لم يفعل اي شئ ... ويبدو ان الجماعة قد اجتمعوا علي امر ما ... لم اعرفه في وقتها .
كان هناك معرضا دوليا للكتاب ... يشبه " معرض القاهرة الدولي للكتاب " .. وكنا نحرص علي زيارته سنويا ... وكعادة الاسر المصرية ...طبعا تقوم والدتي - رحمها الله - باعداد الطعام من الليلة السابقة ... وطبعا حضور المعرض ... مناسبة جميلة لطفل مثلي - انذاك - للهو واللعب ... فكنت انام دائما ليلتها ... وانا في قمة السعادة ... من اجل اننا سنذهب جميعا لمكان به شيئان .. اعشقهما .... القصص المصورة ... ثم اللعب واللهو علي المراجيح ... - محدش يضحك ... انا باتكلم عن طفل سنه 3 سنين ... هوه صحيح انا بحبهم لحد دلوقتي ... بس محدش يتكلم - المهم صحيت هذا اليوم مبكرا من اجل الاستعداد ... وذهبت من فوري للاطمئنان علي " طوكر " ... فلم اجده ... وكان شيئا غريبا ... فهو دائما ما يبيت في مكانه ... علي فرشة صوفية اتقاءا للبرد .... وكلما سالت شخصا في اسرتي ... يجيبني ... " انت البس ... وهندور عليه لما نرجع من المعرض " ... ويبدو انهم جميعا كانوا متفقين علي هذة الاجابة ... فلم اجد بدا من الانصياع ... خوفا من ضياع الذهاب للمعرض .
ذهبنا للمعرض ... واشتريت عددا من القصص المصورة ... التي كنت .. - ومازلت - اعشقها .. ولعبت لهوت ... وفي وقت الغداء كنت جائعا وبشدة ... فاعطتني امي - رحمها الله - ساندويتشا ... وبصراحة اعجبني طعمه ... وكانت هذة معجزة ... حيث انني عندما كنت صغيرا كان اطعامي مشكلة المشاكل ... نظرا لانني كنت - علة - في موضوع الاكل ... طبعا انعكس الامر الان ... وصرت اعاني من اجل ان ارجع لطبيعتي الطفولية ... ولكن بلا فائدة .... المهم طلبت من امي ساندويتشا ثانيا ... واعطتني وهي تبتسم - رحمها الله - ... وسالتني هل اعجبني طعم السندويتش ؟ ... فاجبت " ايوة " .
انتهي اليوم ... ورغم سعادتي بالقصص ...الا انني اول ما رجعت ... بحثت عن " طوكر " فلم اجده ... واصبت بنوع من الحزن ... فكيف لهذا " النذل " ان يتحمل بعدي عنه طول هذة الفترة ؟ ... ولكني كنت منهكا ..من اللعب واللهو طوال اليوم .... فنمت سريعا ... ولم يظهر " طوكر " في الايام التالية ... وظل مختفيا ... الي حين كتابة هذة السطور ... ومن يعرف مصيره ... يتصل ... وله هدية قيمة . ( اقسم بالله ان وقائع تلك القصة حقيقية ... وليست من وحي الخيال )
دروس مستفادة من هذة القصة :-
1- اذا اردت من اهلك ان يشتروا شيئا ... فاكثر من البكاء ... والصريخ - حسب روايتهم المؤكدة - ... وتأكد انك ستظفر به ان شاء الله
2- الارانب لا تشرب الشاي بالحليب ... الذي كانت امي - رحمها الله - تقول انه سيجعلني اكبر .. وادخل المدرسة ... والذي ما زلت اعشقه للان
3- الارانب تكبر بسرعة ... فـ " طوكر " الذي كان طفلا صغيرا يجلس معي اثناء تناول الافطار ... اصبح ارنبا " كبيرا " بعد عدة اسابيع
4-الصداقة ... يتغير مفهومها من وقت لاخر ... فصديقي الذي كان يظل مستكينا بالساعات بجانبي .... اصبح مفهومه للصداقة ... ان يشد " الخس " و " الجزر " من يدي ... ويختفي اسفل الكنبة
5- مرات ...مرات ... الكبار لا يقولون الحقيقة ... او ينكرون معرفتهم بها
6 - اهم نصيحة ..... طعم الارانب خطيييييييييييير جدااااااااااااا ... ومازلت اعشقه للان ...رغم ان الحصول علي ارنب - حقيقي وليس اللي بالي بالك - اصبح معجزة ... بعد ان تخطي سعره الـ 50 جنيها ... وصار الحصول عليه بحاجة لحصولك علي قرض مخفض من احدي البنوك
***
كنت انوي ان اضيف قصتان ... اخرتان ... واحدة بعنوان " بطاطس محترقة ... بطعم البهجة " .... واخري " عندما صرخوا .... قوووووووم ... نام " ... ولكني اعتذر ... مع وعد ... بان اقصهم عليكم في اقرب فرصة ... نظرا ... لاني مضطر ان اغادر " السايبر " ... حتي لا اتاخر في موعد نومي .... تصبحوا علي خير .
***
كل الشكر والعرفان و الدعوات ... لصاحب الدعوة الاولي لعمل ... يوم " للبهجة " الصديق العزيز/ فاروق عادل ... هوه صحيح ... هجرنا من بعدها ... واقام خيمته الخاصة بالبهجة ... في " الفيس بوك " ... ولكن هو من اطلق الدعوة
وكل الشكر للاخت العزيزة / رانيا ليس فقيرا من يحب ... التي تحمست جدا للفكرة ... وقامت بحملة دعاية ... ولا اروع .. للموضوع علي صفحات مدونتها ....
وشكر واجب ومستحق ... لكل من اعجب بالفكرة ... وتحمس لها ... وسيشارك فيها ... جزاكم الله جميعا كل خير
وان شاء المولي عز وجل ... ساحاول قدر الامكان ان اكون معكم غدا مبكرا ... فقط حاولوا ان تشاركوا بكثافة ... في بوستات " البهجة " .. ولا تنسوا ..موعدا في " الملتقي التدويني الالكتروني الاول " هنا علي صفحات مدونتي المتواضعة ... في ضيافة ... الاخت العزيزة / رانيا ... الي ان اتمكن من الدخول ... ومتنسوش ... غير ممنوع اصطحاب الماكولات والمشروبات ... والاطفال ... مكانكم ومطرحكم ... الدخول مجانا ... و الخروج بـ 10 جنيهات فقط .
شكرا ... ودامت ايامكم دائما ... ممتلئة بالسعادة ... والبهجة ... والفرح .. والاطمئنان ...انتم .. وجميع المسلمين ... اللهم ما امين ... السلام عليكم ورحمة الله وبركاته
هناك 99 تعليقًا:
وسسسسسسسسسسسسسسسسسسسسسع
انا اول تعليييييييييق
هيييييييييييييييييييييييييييييه
قريت قبل يوم الاتنين
بتخم يا بشمهندس
مش قولت يوم الاتنين وتكتب يوم الحد
بس خلاص يا هندسه
مش هاقراه غير بكرة
ان شاء الله
قصه جميله يا باشمهندس
انا كمان نزلت تدوينه بخصوص يوم البهجه اكيد هتعجبك
تحياتي
........
قراءة الموضوع تمت في يوم الاثنين بعد مرور 34 دقيقه منه
السلام عليكم
انا قريت القصه النهارده اهه
بتشرب الارنب شاى بلبن هههههههههه
هيا الارانب عندنا بتشرب بيبسى
بس مش شاى بلبن
وبعدين انا عارفه طوكر فين وعايزة
الهديه
https://www.blogger.com/comment.g?blogID=646721088194195689&postID=2402762687526474119&page=1 ده بوست جميل عند ديالا
http://mi2love.blogspot.com/2009/08/blog-post_4074.html ده بوست عسل فى
مدونه لنحيا فى اجواء الحب
القصة أكتر من رائعة
وإنسانية لأبعد الحدود
وكل منا كان له علاقة بطوكر على طريقته الخاصة
واستمتعت فعلاً بها في يوم البهجة
كل سنة وانت طيب :)
وليد
انا جييييييييييييييييت
ايه يا هندسه
نلمنا هنا وتخمنا وتخلع
طيب انا بقالي 211212121 يوم مستني اللمه
وبعدين تخلع
عموما البوست هايل
والارنب طعما فظيييييييييييييع
بس هو الارانب بتتعمل ساندوتشات
دي بتتكور وارمي
انا مستني اللقاء
صحيح هو الساعه كام
فين البوست اللى عملته يا بو العريف
رجليا حفيت على مدونتك ملقتكش
كتبت البوست
مين اللى بيخلع بقه
ههههههههههههههههههههههههههه
ايه ده
انت لسه ما قريتيش البوست
طاب انا عمله ديليت قبل ما تقريه
رخامه بقي
وهي دي البهجه الحقيقية
انك ترخمي علي عباد الله
لا انا خلاص رحت عندك
وتفقدت الاوضاع بنفسى
والامور مطمئنه ومبشرة
التعليق ده مش ليكي يا رانيا
ايه الناس دي
انت احتلتي المدونه ولا ايه
التعليق ده للمهندس بذات نفسويته
بص يا باشا
بما اننا هنا في السعوديه
وماعرفناش نحضر الاجتماع بتاع المدونيه
فا خونا ضايع ( المهندس احمد بسيوني )
اقترح اننا نعمل اجتماع زيه
http://dayee3.blogspot.com/2009/08/blog-post_2200.html
ونظرا لبعد المسافات
فاقترحنا يكون في اجازه العيد في الرياض
عشان بصراحه احنا اتغاظنا من المدونين اللي اتجمعوا من غيرنا
وش رأيك
بوست جميل جدا يابشمهندس مع انك بتعاتبنى بس بوست حلو جدا انا لغايه دلوقت مش عارف اكتب ايه
:))
انا هنا
انا هنا
حد سامعنى
حول
ههههههههههههههههههههه
عندك مانع يا ابو العريف(وش شرير)
انااااااااااا جييييييييييييييييت
لقيت المدونة منورة بييييييييييكم
واول مرة اعرف انه الاحتلال ممكن يكون شئ جميل
ويارب ... ربنا يجعل ايامكم كلها سعادة وفرح وسرور
مع اطيب تمنياتي بقضاء اوقات ممتعة .... علي متن ... مدونتي المتواضعة .... في يوم للبهجة
نحيط سيادتكم علما بأن زمن الرحلة مفتوح .... ومن له طلبات خاصة .... يتفضل ... نحن نقدم خدمة ...ممتازة " فايف ستارز "
الاخت العزيزة / رانيا
انت فين ؟ ... كد عندك غياب من الاحتلال... شكلك لسه مبتدئة في فنون الاحتلال
انا موجود معكم .... فقط سأحاول ان اقرأ البوستات المشاركة ... عشان اعيد ...نشر لنكاتها .... لكم ...وبكم ... تحلو البهجة
بوست ...رااااااااااائع عند صديقي العزيز " ابو العريف "
http://maknaiel.blogspot.com/2009/08/blog-post_10.html#comments
هيعجبكم جدااااااااااا
شكرا ابو العريف
بوست ... " خطير ..جدا " عند الاخت / رانيا ... فقط تذكر ... انك ذاهب " بكامل ارادتك الحرة " .... عشان مترجعش تقول ... اننا وديناك في داهية
http://rona2000.blogspot.com/2009/08/blog-post_02.html
بوست ... تاريخي ... رااااااااائع ... عند الصديق "ذو النون " ... يتناول كتابا للطرائف ... لواحد من العلماء الاجلاء .. وهو " ابن قيم الجوزي "
http://zolnoonelmasry.blogspot.com/2009/08/blog-post_09.html
ولن تصدق ... ما بالكتاب من اخبار النوادر
اذهب ... ولن تندم
حمد الله على السلامه
اشرقت الانوار
ايه ده يا عم
فينك تخطط لليوم وتخلع
هههههههههههههههههههههههههه
شئ عجيب ... ما زال ... صديقي العزيز " فاروق عادل " ...- صاحب ومطلق الفكرة -... لم ينزل ببوست عن البهجة
والاغرب ان " كائن الابداع ..محمد " ملتزم الصمت التدويني ... اتمني ان يكون ... المانع خيرا
علي فكرة الاتنين دول لو كانوا في " المود " النهاردة ... توقعوا ان تفطسوا من الضحك
نحن في انتظارهم
والله غصب عني ... ما انت عارفة ... دا انا عامل بهلوان من امبارح ... عشان اقدر اكتب البوست امبارح ... وادخل النهاردة بدري
انا رجليا حفت طول النهار
على المدونه وكمان اتاخد غياب
ده ظلم هه
المهم .... شكرا جزيلا .... علي تواجدك ... علي صفحات المدونة .... وجزاك الله خيرا
انا هخرج شوية عشان صلاة العشاء ... استمري حضرتك في الاحتلال ... ولا يهمك
فاصل ونواصل
ايون طبعاااااااااااااا
هو الاحتلال بالساهلللللللل ؟؟؟؟؟؟؟؟؟؟
غياب في الاحتلال ... وعلي المتضرر اللجوء للقضاء
انا بقى هاروح افطر علشان خلاص
المغرب اذن
حد يجى يفطر معايا
عندنا سمك مشوى
حد يشاور عقله
اوكازيووووووون
صحيح ... كنت بتقولي انك عارفة مكان " طوكر " .... ما تقوليلي ... اكيد هروح ... الاقي احفااااااااااد احفاااااااااااااده ...ماليين الدنياااااااااااااااااا
صوم ...مقبول ... وافطارا شهيا ... ابقي اعمليلي ساندويتش سمك معاكي ... متنسيش
شندوشت سمك يا بشمهندس
يع
فين الناس
فين البشر
المهم يعنى ايه طوكر
وبعدين هو فى شندوتش ارانب كمان
يا سلالالالالالالالالام ... يعني السندويتش ... يع ؟؟؟؟ ولما ناكله من غير سندويتش ...مش يععععععع
وبعدين حد يفطر سمككككككك ... هي ناقصة عطشششششششششش ؟؟؟؟ .... ولا انتي بتصومي عن المم فقط .... لكن الميه لاء ؟
لاء ... مش هقول ايه معني " طوكر " .... ده سررررررررررر خطيييييييييير ... لايمكن افشائه حاليا .... ممكن بعد 50 عاما .... زي وثائق المخابرات
ماله السمك بئه
وهو حد طايله
مش احسن من سندوتشات الارانب
يييييييييعععععععععع
يا ماما ...سندويتشات الارانب دي ... عشان كان فيه عيل غلس - تعرفيه ؟ - مكانش بياكل حاجة غير سندويتش ... مش للكل
انا مش عارف فين بقية الناس ؟؟؟؟ ... جم علقوا ومشيوا !!!!!
هما متوقعين انه الناس كانت هتبقي موجودة صباحا ؟؟
انا جيت متاخر اعذروني جدا جدا
كنت في سفر يومين ولسه راجعه
كل سنه وحضرتك طيب دايما يارب
انا كمان ليه حاجه مع الارانب
سبحان الله تقريبا معظم الناس اللي في السعوديه كانو مربيين ارانب
.................
بجد تشكر على اليوم ده انا فضلت مستنياه
وكل شويه اقولهم في الببيت يوم10 يوم البهجه
اختي تقولي هو عيد ولا ايه؟؟؟
انتي جبتي اليوم ده منين
وكل سنه وحضرتك طيب ورمضان كريم عليكم جميعا
مرررررررررررررررراحب دكتورة / منار
هييييييييييييييه حد تاني طلع بيحب الارانب
قولي حاجة ... لـ " رانيا " احسن مش عاجبها الارانب ... حضرتها بتحب السمك ... اكيد عشان اخرس ... ومش بيتكلم
انا بحب السمك برضو جدا
بس مشوي وفيليه بس
عشان كدا رانيا دي حبيبتي
ما اختلفناش .... بس برضه الاراااااانب جميلة ... سواء للعب ... او للمم
علي فكرة انا اختي الكبيرة ... لا بتحبهم ... ولا بتطيق شكلهم
يا عمى وربنا بحب الارانب
وكنا بنربيها كمان
وانا باكلها
اعتراضى على الشندوشت
ازاى تحط ارنب فى شندوشت
ازيك يا منار
كل سنه وانتى طيبه ياقمر
ما فسرنا حكاية السندويتش .... وقلنا كان في طفل ... كل ما يدوله حاجة ... ما ياكلهاش ... الا لو كانت ساندوتش ... او بالمعلقة ... مكانش بيعرف يمم زي بقية البشر ...كفاية احرااااااااج
الووووووووووووووووووووو
فى حد سامعنى
حول
ههههههههههههههههههههههههههه
نفسي اعرف ... " ابو العريف " ... فييييييييييين ... حاضر ... هخليهم بكرة ... يطلعوله قرار ازالة
خلاص سماح النوبه
وهابقى اعملك شندوشتين
ارانب
الا بتحب داغ الارنب؟؟؟
دماااااااااغ
نعتزر لهذا الخطا الفنى
نسمعكي ... بوضووووووووح
حووووووول
حررررررررررررررررام عليكم ... انا دافع دم قلبييييييييي في السايبر .... عشان خاطركم
وفي الاخر ... هس هس ... حر حر
وااااااااااااااااااااء
دماغ ارانب ؟ ... ازاي يعني ؟
يعني اشوف الدنيا كلها اخضر ؟ ولا ايه ؟
يا بخيل
يا بخيل
هى الساعه بكام رياااااال
ب 3 وحياتك ... مش زي مصر ... خد ساعة ... وعليها جنيه
طب مفيش حد صحبك
تستلف جهازه سفلئه
كده لازم سيبر يعنى
بص انت اقفل بقه
وغادر السيبر امنا الى ارض
السكن
حرام الريالات
صاحبي ؟؟؟؟؟ هوه انا اعرف حد هنا ؟؟
انت نسيتي انه يدوب ليا 3 ايام هنا ... وبعدين مش مهم .... كله يهون من اجل اصدقاء البلوجر ...- اللي طنشوني- ... بس برضه انا سعيد ... انه الدعوة حققت بعض الاختراق ... وانتشرت .. هوه صحيح انتشار محدود ... وزاحف ... بس اهه احسن من لاشئ
لاء ... انا مستمر ان شاء الله
الي ان ياتي موعد نومي ... فاغادر متوجها ... للسكن
بقول لحضرتك ... في فكرة في دماغي بخصوص شهر رمضان
حملة نسميها " قد اظلكم شهر " ... وتستمر طوال شهر رمضان
رايك ايه ؟
شهر رمضان
طب والطبيخ اللى ورانا
هههههههههههههههههههههههههههههه
المهم فكرتها ايه طيب
زي ما قلت لحضرتك ... شعار نرفعة طول الشهر ... فيه من شتي انواع الخير
تندمج مع حملة .. " مين هيفطر اكتر " ... بس كمان الناس تدون عن الشهر المبارك .... ايات قرانية ... وتفسيرها ... احاديث ... مواقف انسانية ... او حتي .. ذكريات عن الشهر ...
اهم حاجة ... هي دعوة ...لتاليف القلوب ... وجعلها اكثر رقة في الشهر الفضيل
هيا فكرة طيبه
وان شاء الله حسب
الظروف والنت كمان
ممكن الواحد يكتب كام بوست
دينى كده باذن الله
بس المفروض يا هندسه
تنشر المدونه علشان تنشر
افكارك
مازالت ... المشاركات ضئيلة في دعوة يوم " للبهجة "
المشكلة في تخلف عدد من " الاباء الروحيين " للدعوة عن المشاركة حتي الان .... علي كل الاحوال ... اعرف مدي صعوبة ايجاد شئ مبهج ... في هذة الايام ... ومن اجل ذلك اطلقنا الدعوة ... حتي اذا لم تجد ما تكتبه ... يكفي ان تقرأ ما يبهجك
معكم من " قمرة " القيادة ... المهندس ... مع خالص دعواتي وامنياتي ... بدوام البهجة والسعادة لكم جميعا ...
يعني اعمل توكيل " لطارق نور " عشان يعلن عنها ؟
في وقت ممتاز معروض عليا بعد الافطار مباشرة
والاعلان هيقول ... " مع مدونة المهندس ... مش هتقدر تقفل بقك " ... من كتر الاكل علي الافطار طبعا .. ههههههههههههه
ههههههههههههههههههههههههههههههه
المفروض كنت تبقى مذيع يا صحفى
ههههههههههههههههههههههههههههههه
المفروض كنت تبقى مذيع يا صحفى
بص لف فى المدونات وعلق كتير
وهيا هتتنشر وهتعرف ناس اطيب من الطيبه
والله ... انا باعلق ... مش بغرض الانتشار ...لاء بغرض التعارف ... والمشاركة ..والله
علي كل الاحوال ... حكاية الانتشار دي نصيب ورزق برضه ... انا يكفيني التعارف علي اصدقاء واخوات يهمهم امري ..
عارفة المكسب الحقيقي ليوم البهجة ... هو تعرفي علي ..حضرتك ... وابو العريف ... ود/ منار ... وعدد من الاصدقاء المحترمون ... الذين افخر بتعارفي عليهم
دا حضرتك اللى فخر يا بشمهندس
بس لو تبطل اللغه العربيه
الفصحى كنت بقيت عال اوى
هههههههههههههههههههههههههه
الصديق / حين ابراهيم ... شارك ببوست في يوم للبهجة علي مدونته
http://ba3thrtwarq.blogspot.com/
ولكن هناك مشكلة ... لا تمكني من قرأة البوست
هييييييه ... صعيدي زيي ... وشارك في يوم للبهجة
شكرا حسين باشا ... ابقوا بلغوه ... تحياتي
لالالالالالالا كله الا الفصحي ...دي عشقي ... ولا يوجد بها اي احتمال لفهم خاطئ ... او صعوبة في القرأة
وبعدين ... انا مرات بادخل العامية في الكلام ... تقدري حضرتك تقولي " لغة ثالثة " ... لكن العامية الصرفة .... هتقضي علي هويتنا تماما ... - قال يعني هي لسه ما انقضاش عليها -
شارفت الرحلة ...علي الانتهاء ... احب ان اتقدم بالشكر للجميع ... من ساهم ... من شارك ... من دعم ... من اطلق الفكرة ... الجميع ... لهم خالص الشكر والتحية
كنت متوقعا مشاركة اكبر ... ولكن الحمد لله ... علي ما تحقق ... انا مستمر معكم ... لبعض الوقت الاضافي
تحياتي مستمرة ... وشكري موصول
ان شاء الله السنه الجايه
يكون صداها اكبر وكل
المدونين يشاركوا وبكثافه اكبر
كل سنه وحضرتك طيب يا هندسه
وحضرتك طيبة ... ودائما متحمسة ...كما انت الان
اتقدم باكبر ايات الشكر لحضرتك لمجهودك الكبير ... بجد ... بجد ... شكرا
الشكر لله ربنا يكرمك يارب
ويوفقك وييسرلك امورك
وكل سنه وحضرتك طيب
مرة تانيه
انا ساغادر ... حضرتك تصبحي علي الف خير
لو حضرتك استمريت ... بلغي اي شخص ... تحياتي ... وشكري ... بس في اربع اشخاص انا زعلان منهم ... هما عارفين نفسهم
شكرا مرة اخري ... والسلام عليكم
"محدش يضحك" ... انا باتكلم عن طفل سنه 3 سنين ..
محدش يضحك أزاي يا هندسة .. أحنا جاين نضحك يا صديق و مفترس - في نفس ذات اللحظة - الأرانب
دمت بود و أبقى شوفي البوست بتاعي و ححاول انزل واحد تاني
إن شاء ربي
اهلا بالصديق العزيز / حسين
يعني علي اساس المراجيح دي بقيت " اولد فاشون "
وبعدين مين قال اني افترست ارنب ؟؟؟؟؟؟؟ هذة اشاعات مغرضة ... الهدف منها تسويء سمعتي
شكرا لحضورك ... ومشاركتك
باشا
اوعي تكون زعلت مني اوعي تكون زعلت
انا حصلتلي اشتغاله النهارده
والنت عملها فيا
مانا قاعد مستني من اول النهار قوم ييجي من بعد العشاء
ويستهبل
اسف كمان مره
بس كان نفسي اتكلم معاك شويه يا هندسه
ايه ده
انا جيت بعد المدونه ما قفلت
حد هناااااااااااااااااااااا
يا بشرررررررررررررررررررررر
حد موجووووووووووووووووووووود
بوست جامد عند نواره
http://xnouarax.blogspot.com/2009/08/blog-post_3685.html
وانا بقي مصر اكمل حتي لو لوحدىىىىىىىىىىىىىىىىىىىى
انا قاعد ومكمل بكره كمااااااان
هندسسسسسسسسسسسسسسسسه
بما انك مشيت
ومعرفتش اكلمك
فده ميلي يا باشا
mak_naiel@yahoo.com
وابعتلي تليفونك
لا مش التليفون نفسه
اقصد الرقم
عشان نتكلم براحتنا
ايه يابو العريف
لسه جاى يا عم
دا احنا خلصنا خلاص
هههههههههههههههههههههههههههه
لسه لمين الكراسى دلوقتى
ههههههههههههههههههههههههه
حد يخلص بدري كده
والنت مجاش يستهبل الا النهارده
ايه الناس دي
زبعدين هو المهندس ده راح فين بدري كده
دانا كنت عايزه بخصوص التجمع
لمدونين السعوديه
انا اسف جدا لانى ماشاركتش فى يوم البهجه والسبب انى روحت امبارح والنهاردة الجامعه ودايخ فيهم السبع دوخات وفى الاخر نمت الساعه سبعه ولسه صاحى من حوالى ساعه ونص
شفت انا مؤدب ازاي
مقراتش غير يوم الثلاثاء مش الاثنين
اول مرة امر على مدونتك بس اكيد اكيد مش هتكون الاخيرة انشاء الله
كده انا متفائل بما انك ناوي تيجي انت كمان
بس انا خايف تنقلب من لقاء تدويني للقاء هندسي بحته
عموما كما قال اخونا عريف
انشائي بناله بيت معماري سكنله فيه
اهو هنلم مدني على عمارة على كهربا وربنا يستر ومتولعش
في انتظار لقائكم جميعا انشاء الله
هههههههههههههههههههههه
معلهش معلهش ياهندزة والله النت كان فاصل عندي يوم 10 يوم البهجة زي مااتفقنا
وانا كتبت البوست على الكمبيوتر وعمال انتظر في النت انه يجي وانا باكل في دوافري من الغيظ وهطق نفسي كنت اطلع اد كلمتي وانزله يوم 10
ههههههههههههههههههههه
بس الحمدلله نزلت بوست كده على ادي فيه شوية مواقف وطرائف ألفتها على السريع لعلها تعجبكم ان شاء الله
اما بقىىىىىىى بخصوص الأرانب فحدث ولاحرج
انا بكل أسف بخاف منها جدا
هههههههههههههههه
اه والله بخاف اكلها فعلا مش عارف ليه
رغم ان اخويا الكبير بيحبهم جدا جدا
لدرجة انه كان بيربيهم زمان واحنا اطفال ومش اي ارانب كمان دي كلها ارانب مستوردة من هولندا ومش عارف منين كده ههههههههههههههه
المهم بأمانة والله انا فرحت جدا اننا كنا منتظرين حدث جميل زي اللي حضرتك نظمته ده وجميل اكتر الاحساس بيه وانتظاره شيئ لايوصف رغم اني اكره الانتظار جدا
واشكرك اختنا رانيا على مساعدتك في نشر الفكرة
جزاكم الله كل خير
وكل سنة وحضراتكم طيبين ورمضان كريم
دمتم في حفظ الله
اخوكم السيدعبدالرازق(قلم رصاص)
السلام عليكم
كنت أريد الإستفسار عن ترتيبات لقاء المدونين المصريين بالسعودية في عيد الفطر ؟
وطوكر مدينه فى جنوب السودان وكان يذهب اليها المغضوب عليهم من قبل السلطه المصريه لذلك يقال كلمه دة راح فى طوكر
السلام عليكم
ايه الغيبه دى
خير ان شاء الله
انا جيت انفض المدونه وارش شويه ميه
ههههههههههههههههههههههههههههههه
عاجل الى النقباء والملازمين والرواد بوزارة الداخلية… الحمد لله رب العالمين وبعد……نعلم جيداً أنكم وما صدر منكم من إعتداء على الشعب المصرى خلال الفترة السابقة كان يقع تحت وطئة سيف تنفيذ الأوامر…. .والآن….يتم تقديمكم للمحاكمات ويتم استهدافكم من الشعب المصرى وملاحقتكم فى كل مكان…. .أى أنه من أمركم من القيادات المعتدية بالإعتداء على الشعب ، وسلط سيف النقل أو إنهاء الخدمة أو تلفيق التهم عليكم…حر طليق حتى الآن.. لذلك…السبيل الوحيد أمامكم لتقديم إعتذار فعلى وعملى للشعب المصرى……ويكون إعتذاراً من القلب فعلاً…يصاحبه رد جزء ضئيل من حقوق الشعب الضائعة فى أيديكم منذ سنوات.. إعتذاركم للشعب يتمثل فى قيامكم فوراً بالقبض على وزير الداخلية الحالى وجميع مساعديه…..والقبض على جميع عناصر أمن الدولة والوزراء والقيادات السابقة والحالية…وتقديمهم للنائب العام…وإعداد المستندات والأدلة الجنائية التى تُحملهم المسؤلية كاملة على جرائمهم فى حق الشعب..وجرائمهم فى حق جهاز الشرطة نفسه ، ووسائلهم الدنيئة لإجبار صغار الضباط والأمناء وأفراد الشرطة على الإعتداء على الشعب…. .هيا أيها الرجال……داهموا الخونة المعتدين الحقيقيين وقدموهُم للمحاكمة…ولن ينسى شعب مصر والقضاء المصرى انضمامِكم المخلص للثورة المجيدة….وربما أصبحتم شهوداً على قضايا الفساد بمصر. .نريدكم أن تصولوا وتجولوا فى طول البلاد وعرضها…والمواطنين يرافقوكم ويتوجهون معكم فى موكبِ مهيب… .نريد أن نتبعكم من وزارة لوزارة…ومن مؤسسة لمؤسسة…ومن بنك لبنك….ونحن معاً نقبض ونداهم الوزراء المفسدين وأعوانهم فى كل مكان….. .أيها الضباط الشرفاء من الداخلية…قوموا لجنة عرضها السماوات والأرض…وتوبوا الى الله توبة نصوحاً…وانقذوا مستقبلكم الضائع نتيجة الفساد…عسى الله أن يفتح بينكم وبين إخوانكم من الشعب المصرى مرة أخرى.
إرسال تعليق