الأحد، 26 يوليو 2009

دعـــــــــوة... للـــســــــــــعادة .. والبــــــهجــــــــــة ... الـــنــــكــديـــــــون ..يـــمــتــنــعــــــــــــــــون ..!!!

محدش يسالني ليه .... او بامارة اية .... ؟
روحوا اسالوه ..هوه
****
طبعا هي فكرة جديرة .. بالاحتفاء والمشاركة والدعم...- هو صحيح انا في اليوم ده بالذات يمكن بأكون بأحزم امتعتي للرجوع الي مصر - ولكن ساكون في غاية السعادة وانا اشارك الجميع هذة المناسبة ...فشئ جميل ان يكون هناك يوما للبهجة علي المدونات
واعرف ان هناك العديد من المدونين الذين يتمتعون بحس ساخر و" دم زي العسل" سيجعلوننا " نكركع من الضحك " في هذا اليوم
نفسنا الناس اللي في الدول اللي حوالينا يسمعونا بنضحك ... ويتسائلوا لماذا يضحك المصريون في هذا اليوم ؟
طبعا انا عارف في ناس مش هيعجبهم الكلام ده ... وهيعملوا دعوة مضادة ... اسمها " اذا كان للبهجة يوم ... فليكن للكآبة 99 يوما " ...وهناك من سيمتنع عن دخول مدونته ... حتي تمام الساعة 11:59 مساء يوم 10 اغسطس ... وسيفتحها .. وهو يرقص طربا ... قائلا " بكرة.. النكد .... بكرة " ... ولكن ذلك ليس مهما ... المهم ان نقضي يوما سعيدا مشهودا علي صفحات المدونات .
وانا اكمل علي اقتراح " فاروق " ان نستكمل بقية اليوم ... وليكن من بعد العاشرة مساءا " حلوة المصادفة دي " ...والي نهاية اليوم ... علي صفحات احد المدونات ... نتحادث بالتعليقات .... طبعا من الممكن ان تكون مدونة " فاروق " ... او لو اردتم ... فساكون في غاية السعادة ... لو استضفتكم علي صفحات مدونتي المتواضعة ... للقاء والتعليقات .
الفكرة مطروحة للتعديلات ... والتحسينات ... فقط تذكروا .... " النكديون يمتنعون "
شكرا والسلام عليكم

هناك 45 تعليقًا:

فاروق عادل يقول...

شكرا ليك ياهندزة على البوست الجميل واتمنى ان الاقى للفكرة صدى وتتنفذ

الكلمة نور يقول...

نضحك ...؟!!
الله يحظك يا شيخ
اقول كلام غير ده

المهندس يقول...

للصديق / فاروق
انشاء الله... هتتنفذ...
حتي ولو بعدد محدود من المدونين
المهم نشيع جوا من البهجة ... والسعادة حولنا
في انتظار تعديلات الفكرة منك

المهندس يقول...

الصديق / الكلمة نور
ايوة ضحك ....
وايه رأيك انت بالذات هتنزل باول بوست يوم 10 اغسطس الساعة 12 صباحا
بس بشرط ... لازم اضحك علي البوست بتاعك لمدة 15 دقيقة متصلة
وإلا ذنبك هيكون علي جنبك
وساعتها ... هتدفع الغرامة مضاعفة

فاروق عادل يقول...

فى صورة جديدة اتعملت ممكن حضبرتك تشوفها

أميرة يقول...

السلام عليكم ورحمة الله وبركاته

ازيك يا باشمهندس .. ان شاء الله تكون بخير

اعتقد والله اعلم انك مش عامل متابعة علي التعليقات و السبب اني كتبت حاجة امبارح في تدوينة قديمة ليك و اعتقد انك متعرفش

علي كل حال .. ادخال السرور علي قلب مسلم سنة نبوية مؤجرة بالخير ان شاء الله و بما انها هتوافق يوم الاثنين .. يا سلام لو اجتمعت اكتر من سنة في اليوم دا للي يقدر يصوم مثلا او علي اضعف الايمان اللي هيشترك يحتسب نيته ادخال السرور علي قلب اخوه المسلم :)

ربنا يسعدكم بحبه ورضاه وايانا والمسلمين يارب

المهندس يقول...

الاخت العزيزة / أليس
اولا اهلا بحضرتك ... ازدانت المدونة بزيارتك ... وحصل لنا جميعا الشرف ... بزيارتك لنا
ثانيا : اسف جدااااااا علي اني لم اري التعليق .... سابحث عنه فورا ... وسارد علي حضرتك ...في نفس البوست
ثالثا : شئ جميل ان تنال الفكرة اعجابك ... ونتمني ان تشاركي فيها ...ويا حبذ بما ان حضرتك لديك ثقافة دينية واسعة ... ان تحدثينا عن اهمية ادخال السرور علي قلب المسلم ... او كيف كان رسول الله -- عليه افضل الصلاة واتم التسليم - يداعب اصحابه ... او بالموضوع الذي ترين انه يستحق النشر
رابعا : جزاك الله كل خير عن دعائك ... واسعدك وجعل السعادة رفيقتك في الدارين ....وايانا جميعا
شكرا والسلام عليكم

أميرة يقول...

اشكر لحضرتك كرم الضيافة و مفيش حاجة تستاهل اعتذار ولا حاجة انا بس حبيت ارد في نفس الموضوع اللي كنت عايزة اتكلم فيه .. كان في الاستفتاء علشان متدوخش كتير:)

اما بخصوص طلبك .. لو تسمح تتكرم وتقرأ الموضوع دا
http://ahmnkyadonia.blogspot.com/2009/02/blog-post_23.html

هو عن المزاح في الاسلام .. كانت مستهوياني فكرة اني ادور في الحاجات اللي بنعملها و اجيب احلي ما فيها تحت عنوان "بفكرني" و لو تكرمت بقراءة الموضوع دا وغيره اللي تحت نفس العنوان هتلاقي حاجات كتيرة اوي من القران والسنة بنعملها في حياتنا او اتلهينا عنها في دوامة الحياة بس اد كده بسيطة و طيبة .. اتمني يعجبك حاجة منهم

المهندس يقول...

الاخت / أليس
وجدت التعليق ... ورددت عليه ... وشكرا للكلام الرائع الذي ذكرتيه فيه ... اتمني ان اكون اهلا له ... واتنمي زياراتك المستمرة والدائمة.
ساقرأ الموضوع ... ... ولكن برضه هتشاركي معانا انشاء الله ... يمكنك اعادة نشر الموضوع في يوم 10 اغسطس ... او كتابة موضوع جديد ...كما يحلو لك ... لكن ستشاركيننا ... باذن الله
شكرا ...لتشريفك لمدونتي المتواضعة بالزيارة ... ونتمني زياراتك الدائمة والمستمرة

أميرة يقول...

لا انت تقرأه قبل اليوم دا علشان تعمل حسابك في اللي هتعمله اليوم دا :)

العلم نور و اللي يعرف غير اللي ميعرفش و ان شاء الله ربنا يعينا و نبقي من اللي يعرف ويعمل باللي يعرفه

جزاك الله خيرا علي ردك الطيب

المهندس يقول...

قرأته ... وبحمد الله اطبق معظمه ما عدا ..حكاية كثرة الضحك ... لانني اغتنم اي فرصة للضحك ...والاضحاك ... ولكن بدون سخرية او استهزاء .... اما الضحك البرئ ...الذي يدخل السرور والسعادة ...فاعتقد انه ليس به مالا يليق .
علي كل الاحوال ... يمكنك اعادة نشره مرة اخري يوم 10 اغسطس ... وتواصلي مع الصديق / فاروق عادل ... فاعتقد انه سيرحب بنصائحك ... ويمكنك ترك لينك البوست هناك ايضا .
فنحن نرحب باي دعم ومشاركة منك ...كما يمكنك الدعوة للموضوع " دعوة للبهجة " علي مدونتك ...بالطريقة التي ترينها مناسبة وتحقق اهداف مدونتك.
شكرا جزيلا علي اهتمامك ... دمت دائما بخير ... والسلام عليكم

أميرة يقول...

معلش اسمحلي

لو حضرتك شفت فيه حاجة ممكن تنفع حد لك كامل حرية نقله باي صورة تراها مناسبة

اما بخصوص الدعوة .. الله يكرمك اذا تسمح تفكرني وقتها اذا نسيت

متخافش من موضوع الضحك .. مفيش حد بيضحك اكتر من اللي مكتوبله يضحكه .. الفكرة كلها يضحك بس مش علي حد .. يضحك بادب :) ومفيش اكمل ادبا من المصطفي صلي الله عليه وسلم نقتدي بيه

معلش دوشتك بس انا حذرتك من الاول :)

موناليزا يقول...

فكرة جميلة ولنرفع شعار
"لا تؤجل ضحك اليوم الى الغد"

المهندس يقول...

الاخت / موناليزا
اهلا ومرحبا بتشريفك لمدونتي المتواضعة .... نورت المدونة
شعار جميل .... " لا تؤجل ضحك اليوم للغد " .... وإن كان الدعوة لـ " يوم للبهجة " ... من الممكن ان تكون البهجة في شكل ضحكة ... ابتسامة ... ذكريات سعيدة يتذكرها الشخص ... احلام يتمني تحقيقها ... كل انسان له ما يبهجه ... ونحن نريد ان نتشارك مع الاخرين فيما يبهجهم.
حضرتك مدعوة للمشاركة في " يوم للبهجة " ... وفي انتظار اقتراحاتك ... وتحسيناتك للفكرة .
شكرا ودمت دائما بخير ... والسلام عليكم

أبو العريف يقول...

ازيك يا هندسه
هو فيه ايه
انا فهمت اننا نخصص بوست دمه خفيف في اليوم المذكور
لو انا صح قل لي
اصلي فهمي علي ادي
اتعديت من البشر اللي هنا
عموما
اي كانت الفكره
طالما هنضحك
انا مواااااااافق



توصل بالسلامه يا باشا


تحياتي

المهندس يقول...

الصديق العزيز / ابو العريف
ايه ده ... دا اللي قلته طلع صح
مظبوط ... هتخصص يوم 10 اغسطس لنشر بوست او بوستات ... " مبهجة " ... وزي ما قلت لحضرتك ... انا متوقع انك بوستاتك ... هتكتسسسسسسسسح في نسبة الضحك
وبعدين انت ايه اللي مسهرك لحد دلوقتي ... " كده صديق ما في مظبوط " ... " انت كده في روح نووووم في شجل "

بجد بانبسط لما اشوفك هنا في مدونتي المتواضعة
شكرا جزيلا لاهتمامك .... والسلام عليكم

كائن الإبداع .... محمد يقول...

كل يوم 10 أغسطس بس ......


بطريقتك دي الفرحة هتقول


" زوروني كل سنة مرة .. حرام تنسوني بالمرة "

و النكد هيقول
" موجود معاكوا سنة إلا يوم ... تقطعوا فيها بصل و توم ... علشان تلاقوني و مش عارفين .... و غير البسمة مش لاقيين ...و تعالوا قابلوني .. لو لقتوني .. في يوم.. هستخبى منكم و اصحى في نوم .. و ابقى منكم زي البوم .. عايش ليلي نهار .. و نهاري ليل .. و منكم مش عارف أدوقكم الويل .. صعبان عليا يوم ضيعتوه .. من عمايلكم اكلتوني ...الله ينتقم من الفرحة اللي عايزين تضحكوها من غير ما تشعروني "


و لو انت ملاحظ ان الغم كلامه كتير ، و مش بيودي لأمر خطير ، و لا معنى كبير ، كله تفاهه و قوه خبرة ، و معلومة تزيد كالنبرة ، و يصبح صوتها عالي و نسمعها بتتعالى ، و نقول يا ريت ببسمة كنا سكتناها ، لكن دلوقتي نفسنا أذيناها




و لما جه واحد يقول نكته ، الهم ضحك هو و البسمة ، استغربت .. و سألت .. قاللي أنا بضحك على همي اللي بيجري في دمي ، هانت عليكم العشرة ، طول سنين كالبشرة ، جواكم و مغطيكم ، عايش حواليكم مخليكم .... أقوياء ، راحت البسمة قالتله و انا كمان عليك بضحك و لرؤياك بهلك ... من الضحك



المهم ......


اللي ناوي يضحك ييجي المدونة و يبص على الفيديو اللي تحت بتاع عيال آخر زمن


و ده إهداء ليك يا باشا مهندس

محتار أقولك مبروك و لا مبارك ، أصل لو وقعت في غلط هروح في داهية ، إختار انت واحدة من الاتنين و اتحمل مسئوليتها


و على فكرة انا فاطس على نفسي من الضحك دلوقتي تعرف ليييييييييييييييه



علشان لسه بايع جنيه فضه لواحد أعرفه بـ 10 أضعافه ، آه و الله .... تصور انهم فاكرينه فضه ، و بيشتروه بأثمان تصصل ل 20 ضعف .... دي النكته الكبرى ، و المشكلة الأكبر ان الاشاعة طالعة من المنطقة اللي احنا فيها

ههههههههه

شفت النصاحة


ناس ما تعرفش قلدوا عائلة روتشيلد اليهودية


و ده شئ مبشر للناس كلها

مصر يا ناس بدأت مسيرتها نحو التقدم العلمي و الفكري و الاقتصادي و الطحينة و العسل الاسود ...و كل شئ يخص أي شئ


مش عارف ليه حاسس اني بايخ بكل كلامي ده لكن ده مش كلام عقلي ده كلام ايدي ، سيبتها تكتب و نمت شوية




لما تخلص صحيني
..................................................................................................................................................................................

كائن الإبداع .... محمد يقول...

على فكرة انت في أول كلامك قلت النكديون يمتنعون ، معنى كده ايه بقى . انك مش عايزني أدخل مدونتك يعني و لا ايه ؟


طيب أنا زعلان



و حاجة تانية مهمة .... اليوم اللي مش بتمر فيه عليا بحس كأني ما عملتش حاجه ، تعالى اخطف "نظره" علشان هبيعها بعد بكرة ......


و يا ريت تقولي سرعة تحميل المدونة بقت أحسن و لا أرميها في الزبالة أحسن ؟

كائن الإبداع .... محمد يقول...

و عندي اقتراح للفكرة دي كمان



كل واحد يختار صورة تفطس العيان من حزنه من الضحك و يحطها في مدونته و يضع تحتها رابط المدونة - اللي انتم هتقرروها - تكون مركز السعادة ، و يا سلام بقى لو تحت الورة مقطع فيديو يضحك - للتشويق - ، و تحتها كلمتين و بس ، و يا سلام لو ........


أقولك أحسن أنشر مدونة جوه المدونة

غير معرف يقول...

:(

كنت فاكرة الدعوة عامة طلعت مقتصرة عالمصرين بس :(

ال لماذا يضحك المصريون في هذا اليوم ال

:]

مش المصررين بس كلنا هنضحك اهو كمان :)

هههههههههههههه

انا بعتبر نفسي من المصريين اساسا يعني هضحك معكم برضوا :]

فكررررررة حلوة جداااا

ربنا يجعل ايامك كلها فرح وسعادة

المهندس يقول...

واحنا يحصلنا الشرف ان حضرتك ..تنضمي للدعوة .
المثال اللي قلته ... يعني لتقريب الصورة ... لكن كلنا عرب واخوة ... ومرة اخري لنا كل الشرف بانك تكوني معنا في هذا اليوم.
بارك الله فيكي .. واسعد ايامك بكل فرح وسعادة .... شكرا والسلام عليكم

رحلتنا في الحياة يقول...

جميلة الفكرة دى بجد وان شاء الله نشوف بوستات خفيفة وتخرج الناس من جو الكآبة اللى عايشين فيها

المهندس يقول...

الاخت / آيوشة
شكرا لزيارتك وتشريفك للمدونة ...نأمل استمرار الزيارة ودوامها
نحن جميعا نترقب كيف سيكون عالم المدونات في هذا اليوم ... فما اجمل ان تنتشر السعادة والبهجة بين الناس...ونحن ايضا في انتظار مشاركتك في هذا اليوم.
شكرا ...والسلام عليكم

ذو النون المصري يقول...

انا كتبت تدوينة مره عن الموضوع ده و كتبت ان المفروض كل مدون يعمل في مدونته باب خاص بالمواقف الطريفة اللي بتحصل له و ممكن نجمعها في مدونة واحده و نستفيد بيها كلنا
و كتبت بالفعل اربع بوستات فيها
..............
ترجع لمصر بالسلامة ان شاء الله

الحسين محمود يقول...

فيه مشكلة ..

أنا بحس أني دم تقيل في البوستاات

لو معاك السماعات يابشمهدس شوف الحالة دي

على أي حال حنحاول .. مجبرين أحسن الشمهندس يخطفنا ..
و الفكرة حلو في رواج المدونات

يعني البشمهندس بيرد عندي و أنا عنده وهو عند ناس عندي و أنا عند ناس عنده
و لحد ما نوصل 10 أغسطس 2010 و احنا لسه في يوم البهجة
أهج الله أيامكم

المهندس يقول...

الصديق / ذو النون المصري
اخييييييييرا ظهرت يا رجل ؟ افتقدناااااااااك كثيرا ... أنرت المدونة بزيارتك .... نرجو ان تكون في احسن حال
ثانيا : نحن ننتظر مشاركة " فريش " في يوم 10 اغسطس ... عاوزينها " ملهلبة بنار الفرن ...يا ...تدويييييينة "
ثالثا : اقتراح عظيم ...ان تكون هناك مدونة خاصة " بالبهجة " ... سيوضع تحت الدراسة ... وان شاء الله ...نحققه
رابعا : الله يسلم حضرتك
شكرا والسلام عليكم

المهندس يقول...

صديقي العزيز الصعيدي / حسين محمود ( ابن النيل )
يا باشا لا عاش ولا كان ...اللي يقول انه بوستاتك ..دمها تقيل ... دا لحد دلوقتي الناس بتسيب مدونتين علي اليمين ...وهي معدية جنب مدونتك ... احسن تنسي ..تبارك ... فتتخطف
شرفت مدونتي المتواضعة ... وأنرتها بزيارتك ..وتشريفك لها ... كنت ابلغتنا ... لننثر ورودا ...ورياحين بتلك المناسبة السعيدة.
منتظرين ... مشاركتك ..في يوم 10 اغسطس ... وانا متأكد انها ستكون من اروع المشاركات باذن الله
نتمني استمرار تشريفك وزيارتك لمدونتي المتواضعة ... ودمت دائما صديقي بخير .. ودمت دائما سعيدا مبتهجا .... السلام عليكم.

!!! عارفة ... مش عارف ليه يقول...

دعوة جديرة بالإهتمام

وإن شاء الله تنال حظها

وإن كانت لي نظرة أخرى

هو أحنا وصلنا إلى المرحلة دي

بقى المصريين المعروفين بخفة الدم

بقى الهم والغم كابس على نفسهم طول السنة

وبيتمنوا يعملوا يوووم للبهجة

بقى ده اسمه كلام ؟؟

أنا مش عايز اقلبها غم إنما صحيح شر البلية ما يضحك

يلا أهو أنكد على نفسي شوية كده لحد ما يجي يوم 10 أغسطس

نيهاهاهاهاهاها

المهندس يقول...

الصديق العزيز / وليد ( عارفة مش عارف ليه )
نووووووووووورت المدونة برجوعك للزيارة ...بعد انقطاع طويل ...نتمني دوام زياراتك باستمرار وبلا انقطاع.
لو حضرتك متابع المدونات المختلفة ... لكنت حضرتك ... عرفت كم نحتاج ...لهذا اليوم ... فالذي يحدث حاليا ان جيلا باكمله يري احلامه تذبح امامه ... بدون ان يستطيع ان يفعل شيئا .... لذلك اصبحت المدونات مجالا للتنفيس عن هذا الظرف المأساوي ... فاصبح جل او معظم المدونات ...ذات صبغة غير سعيدة بالمرة
ملاحظة حضرتك في محلها ... لكن للاسف هذة هي الحقيقة .
ابعد الله عنك النكد .. والحزن ... ومتعك بالسعادة والفرح دوما ... في الدارين .
ننتظر مشاركتك المتميزة في هذا اليوم ... وداوم علي زيارة مدونتي المتواضعة ... لتتابع تحسينات وتعديلات حملة ... " يوم للبهجة "
شكرا والسلام عليكم

منــار فايد يقول...

كويس جدا
انا اصلا بحب البوستات اللي دمها خفيف
زي بوستاتي طبعا
عرفت دا من مدونت صديقي المهندس ابو العريف.....
ان شاء الله يبقى يوم كويس
بس عايزين مكان كل حد يكتب فيه حاجه دمها خفيف نعرف عشان نعرف الناس مين اللي كتبوا
وكتبوا ايه في اليوم ده

هو انتم كلكم مسافرين برا مصر ولا ايه
معقول في السعوديه كمان؟؟

ماشي
بالسلامه تيجي مصر طبعا
تحياتي

منار فايد

المهندس يقول...

الاخت / منار الفايد " شباك موارب "
شكرا لتشريفك مدونتي المتواضعة بالزيارة ....ونتمني استمرارها ودوامها
ننتظر مشاركتك المتميزة ..يوم 10 اغسطس في " يوم للبهجة "
شفتي بقي نصيبنا اننا كلنا مسافرين ... نعمل ايه ؟ بس انا خلالالالالالاص راجع قريبا بإذن الله ...لمصر الحبيبة ... هوه صحيح ممكن اسافر بعدها بشوية .... لكن كفاية اني هشوفها
الله يسلم حضرتك ... وداومي علي زيارة مدونتي المتواضعة ...وستجدي ان شاء الله .. كل اخبار حملة " يوم للبهجة " علي المدونة
شكرا ...والسلام عليكم
ملحوظة : تشرفت بزيارة مدونة حضرتك ... وعلي فكرة هي مدونة " جميلة ..ورشيقة "

Radwa يقول...


تفتكر فى حد ليه نفس يضحك اصلا
ولو ضحك هيضحك بجد
.............
رضوى

محمد المصرى يقول...

منور دايما يامهندس

فكرة اكثر من رائعة
فكرة يوم ننسى فيه هموم العالم

ربنا يوفقك ولك منى وعد بتنفيذ ماطلبت

منى سلام مصرى ائما

المهندس يقول...

الاخت / رضوي " ساندريلا "

ايوة افتكر انه في ناس كتيييييييير ليها نفس تضحك ...حتي لو هي مش بتمارس الضحك

ودورنا كلنا اننا نحاول اننا نرسم البسمة علي وجوه الناس

يا ويل امة افتقد اهلها الرغبة في الضحك والسعادة ... ماذا بقي لهم اذن ؟ البكاء والنحيب ؟

شكرا علي زيارة حضرتك ... ومنتظرين جهد حضرتك لرسم بسمة علي وجوه الجميع... السلام عليكم

المهندس يقول...

الصديق / محمد " لنحيا في اجواء الحب "

اولا مرحبا بتشريفك لمدونتي المتواضعة ..بالزيارة الاولي

ثانيا : يشرفنا ويسعدنا انضمام حضرتك ... لدعوة يوم " للبهجة "

ثالثا : اسم " لنحيا في اجواء الحب " لوحده شئ جميل ويستحق ... ان يكون جهدنا القادم لرفعه كشعار ... بعد انتهاء ...دعوة " يوم للبهجة "

منتظرينك ...علي صفحات المدونة ... يوم 10 اغسطس ... لحضور الملتقي التدويني الالكتروني الاول .. علي مدونتي المتواضعة

شكرا لزيارتك ... والسلام عليكم

♥نبع الغرام♥♪≈ يقول...

ياريت بجد فكره جميله قووى

وربنا يسهل ونقدر نشارك ونضحك من قلوبنا
يارب
امين
تحياتى

ايناس

المهندس يقول...

الاخت / عاشقة الاحزان

شكرا لثنائك علي الفكرة ... وباذن الله في انتظار مشاركتك في الفكرة

وربنا دائما يسعد ايام حضرتك بالسعادة والضحك والسرور

شكرا والسلام عليكم

ذو الوجه المبتسم يقول...

السلام عليكم
طبعا اولا باشكرك على الفكرة الممتازة

بس لو فيه امكانية للتجمع على الطبيعة ونتعرف ببعض مش يكون احسن
علشان الضحك يكون للركب
هههههههههههه
انت راجع مصر امتى
لانى انا كمان ان شاء الله هاكون بمصر قبل العيد بايام

تحياتى

آه وكفى يقول...

فكرة في منتهى الجمال وانا هحط الرابط بتاعها عندي عشان انا من كتر اكتئابي بئيت بضحك على اي حاجة حتى لو حمار بينهق اه والله فنفسي بجد النكديون يمتنعون
مستنية معادها وترتيبتها

المهندس يقول...

الصديق / ذو الوجه المبتسم

ادام الله عليك نعمة الابتسام ... والسعادة

شكرا لان الفكرة نالت اعجاب حضرتك ... ونأمل اشتراكك فيها

طبعا اللقاء الفعلي احسن في التعارف بين المدونين ... ولكن ما باليد حيلة ... فليكن لقاءا تدوينيا ..حتي تتحسن الظروف

شكرا علي تشريفك لمدونتي المتواضعة بالزيارة ... ونامل استمرار زياراتك لنا .... والسلام عليكم

المهندس يقول...

الاخت / اه وكفي

اولا مرحبا بحضرتك في زيارتك الاولي لمدونتي المتواضعة ... والتي نتمني استمرارها ... ودوامها

حفظك الله ... وابعد عنك كل اكتئاب وحزن ... وجعل من ايامك سلسلة طويلة من السعادة والبهجة

توجد اشياءا كثيرة ...تسبب حزن الانسان وشقائه ... ولكن الاشياء التي تسبب سعادته ...اكثر ... حتي لو كانت كما قلت .. صوتا لحمار ... او كركعة لضحكة طفل .... المهم هو المزاج الذي يستقبل تلك الاصوات ... وتذكري .... انما هو عمر واحد ... وحياة واحدة ... آمل ان تقضيها في سعادة ... وبهجة

شكرا ... ونتمني مشاركتك في الدعوة ... والسلام عليكم

نهر الحب يقول...

السلام عليكم ورحمة الله وبركاته

الفكرة جميلة ورائعة,بس اشمعنى يوم 10/8؟

ان شاء الله حكون معاكم

دمت بالخير

تقبل مرورى

خالص تحياتى


نهر الحب

المهندس يقول...

الاخت / نهر الحب

عشان 10-8 = 2 ... البهجة والسعادة

هههههه طبعا انا باهزر مع حضرتك ... والله مفيش سبب معين ... هو " فاروق عادل " اختار اليوم ده ... وانا رأيت انها فكرة كويسة ... لانه مش اليوم هو اللي مهم ... فكرة اجتماع المدونين علي حدث مثل هذا ... هي المهمة.

طبعا مشاركة حضرتك ... ستسعدنا ... وتفرحنا ... وتجعلنا في قمة السعادة

اجمل التحيات .... والتشكرات علي تشريفك لمدونتي المتواضعة بالزيارة ... وادام الله عليكي ...السعادة والبهجة .

شكرا ... والسلام عليكم

قلم رصاص يقول...

السلام عليكم

احيكي يا هندزة على الفكرة والله جميلة

انا بصراحة اول مرة اجي عندك لكن عرفت

الموضوع من مدونة ليس فقيرا من يحب لاختنا رانيا علي

وقولت لازمن وحتمن ولا بد اجي اشارك

واطمن انا مش هصوت زي ماهي طلبت مننا نعمل كده عندك

لالالالالالا انا هرقع بالصووووووووت

ههههههههههههههههههه

وان شاء الله مشارك معاكم فياليوم ده

بس لي استفسار مهم جدا:

انتوا رسيتوا على ايه

هل حضرتك هتنزل البوست عندك وكلنا نعلق ونشارك عندك ؟

ولا كل حد فينا ينزل بوست عنده من وجهة نظره هو ؟

ارجو التوضيح مزيدا للضحك والسخسخه ان جاز التعبير ههههههههههههههه

دمت في حفظ الله

المهندس يقول...

الصديق / قلم رصاص

حضرتك.. شرفتني بزيارتك الاولي ... التي اتمني استمرارها ... ودوامها ... وعدم انقطاعها ... واشكر ..الاخت " رانيا " ... لانها كانت سببا في تشريفك لمدونتي "

حضرتك صوت براااااااااحتك .... هيكون عندي احلي موسيقي ...هههههه.

انا تشرفت بزيارة مدونتك ... واري ان تظلمها ... باسم قلم رصاص ... اسمها المفترض ان يكون " قلم ذهب " ... محتوي في غاية الدسامة ... والرشاقة والعمق.. في آن واحد .

حضرتك في يوم 10 اغسطس ...هتنزل بوست ...ليه علاقة ... بما يبهجك ... موقف .... نكتة .... قصة .... شئ فعلته ...واسعدت به شخصا ... وجعلك هذا سعيدا .... اي شئ يمثل ما يسعدك ...ويجعلك تبتسم .

بعدها ستشرفني علي مدونتي ...حالما يسمح وقت حضرتك ... وتطالع البوستات ... التي سنحاول ... ان نتتبعها ...علي المدونات المختلفة .... وتشارك مع الاخرين ... في اختيار اجمل بوست من وجهة نظرك.

ادام الله عليك نعمة السعادة ... والفرح ... وجعل ايامك كلها ... لا تخلو من البهجة .

شكرا والسلام عليكم